مرحبا بنات و شباب
اليوم رح اقلكم شو لازم تشتروا من المحلات
في العروض يلي تصل ل 60% بصراحة واو انا عجبتني
و رح اقلكم الاشياء يلي ح تفيدكم للموسم الربيع و يمكن كمان غيره
و في لوكين معهم كمان :)
نبدا اول واحد
الاشياء الفضفاضة : هلا انا يلي حطيته هو كنزتين بس في كمان بناطلين
هم كتير حلوين و فينكم تلبسوهم لاكتر من لوك و كتير مناح لفصل الربيع و الخريف
الاولن الفاتحة : الاوان الفاتحة كتير مهمة في الربيع و من اشهر الالون الازرق و الاخضر
و الزهري و كمان في الوان مو كتير تنلبس بس تعد منهم متل الاصفر و الاورانج ( البرتقالي) .
مطبوعة في الورود : ملابس كتير حلوة و دائما على الموضة في منها اشكال مختلفة و الالوان و بتعكس
شخصية رقيقة و جميلة كمان و دائما تطلع حلوة مع الاشياء السادة
و مع انه حكينا عن السادة خلينا ننتقله
السادة : هي قطع بتكون بلون واحد كتير حلوة بتساعدنا في لوكاتنا دائما تظبطهم و فينا نحطلهم\
اد ما فينا اكسسوارت اذا كان اللوك كله ما فيه طبعات و كتير رح يكن طبيعي و مسالم لفصل الربيع
الجواكيت : طبعا هي العنصر يلي دائما يغير اللوك و يعطيه حقة و يجي باشكال و الالوان متل
ما انا حاطة بالصورة بس شكلين بس في كتير اشياء كمان
لهون كتبت كتير كنت مفكرة اني انزل الاكسسوار كمان بس حسيت انو هيك كتير
و اذا حبيتو هل فقرة او لا و اذا بدكن اكمل للاكسسوارات اكتبوا في التعليقات
و شكرا و كمان بدي اقلكم انو الاشياء يلي انا اخترتها ما ضروري تشتروها نفسها
كل واحد و هو يلي بحبه
مع حبي ميريام
